Gidoitik – Euskadiko Gidoigileen Elkartetik eta Caostica elkartetik atsegin handiz aurkezten dugu Euskal Laburmetraien Azokaren lehen edizioa. Industry izaerako ekitaldia izango da, ekainaren 8an, larunbatean, Bilboko Bilborock Aretoan.
Ekimen hau gure ikus-entzunezko industriaren balio-katearen lehen maila indartzeko asmoz sortu da: FILM LABURRA. Formatu laburra sustatu, ikusarazi eta bere sorkuntza sustatu nahi dugu, bereziki emakumeen artean, eta sortzaile, ekoizle, banatzaile eta gainerako eragileek interesak partekatzeko topagune bat sortu nahi dugu.
HEMEN kontsulta dezakezu ekitaldiari buruzko informazio guztia.
Euskal talentuaren erakusleiho gisa hazi eta etorkizunean formalizatu nahi den ekitaldi honen arrakastaren gakoa zurekin hasten da.
Berretsi zure bertaratzea formulario labur hau betez. Zure zain gaude!
